Trajneri italian i kombëtares angleze, Fabio Capello e ka konfirmuar se mbrojtësi i skuadrës së Chelsea, John Terry do të vazhdojë të jetë një lojtar i rëndësishëm, pavarësisht që ai ia hoqi atij shiritin e kapitenit.

Asi i Chelsea u hoq nga detyra e tij si kapiten i Anglisë javën e kaluar në një takim me Capellon, pas një varg dyshimesh të cilat ishin në lidhje me jetën e tij private.

Ka pasur dyshime se 29-vjeçari nuk do të jetë më pjesë e skuadrës së Capellos në ekipin kombëtar, mirëpo trajneri italian ka vendosur të deklarohet lidhur me këto dyshime.

“Terry është lojtar i rëndësishëm për Kombëtaren Angleze. Në fakt, ai është njëri ndër lojtarët më të rëndësishëm të këtij ekipi. Kjo punë është kryer dhe ne duhet të ecim përpara” tha Capello.