Sot dhe të mërkurën zhvillohen katër ndeshje të kthimit të një të tetës së finaleve të Ligës së kampionëve.

Priten duele interesante pasi në takimet e para asnjëra nga ekipet nuk ka arritur ndonjë përparësi bindëse.

Megjithatë në situatën më të volitshme është skuadra e Mançester Junajtedit pasi fitoren minimale ndaj Milanit prej 3:2 e ka arritur në “San Siro”, prandaj vështirë që “Djajtë e kuq” do të lejojnë skuadrën italiane në “Old Traford” që të kompensoi humbjen në shtëpi, ndërsa për kalimin në çerekfinale ju nevojitet fitorja me dy gola diference.

Fiorentina e motivuar tej mase e pret ndeshjen me Bajernin me shpresë që t’I revanshohet p[ër humbjen e pa merituar në Munih (1:2). Mirëpo bazuar në formën aktuale të skuadrës ngjyrë vjollcë më afër suksesit janë futbollistët bavarezë.

Reali në Madrid do të kwrkojw fitoren prej dy golave ndaj Lionit të papërshtatshëm (0:1), derisa Arsenali në Londër i konvenon edhe fitorja minimale prej 1:0 për të kaluar në çerekfinale. / ikub.al / foto: livesoccer.tv / 9 mars 2010

E martë me 9 mars
20:45 Arsenal - Porto (ndeshja e parë 1:2)
20:45 Fiorentina - Bajern (1:2)

E mërkurë 10 mars
20:45 Mançester Junajted - Milan (3:2)
20:45 Real Madrid - Olimpik Lion (0:1)